SINGLAR

         Singlar

a.    Singlar Hama Pepelakan

Seuri céléng bang céléng palémbang

Geura los geura leumpang

Ka sabrang ka palémbang

Ka kajagi ka patani

Ka batan ka tulang bawang

Ka nu hejo lolopangan

Ka nu hideung siga nila

Di dinya kahanan sira

Istan, istan, istan.

( Sumber ti Sesepuh Kp.Babakan Cidugaleun Singaparna )

b.   Singlar Hujan

Allahuma bad batara gumulung

Panghindarkeun awan nu mendung

Datangkeun awan anu caang

Bray...bray...bray

Datangkeun matahari.

( Sumber ti Sesepuh Kp.Babakan Cidugaleun Singaparna )

c.    Singlar Setan

Allahuma na’tu dinur

Sumud samad

Sina madan

Kalawan huluhé lapi

Weling cahayaning Allah

Jaka puru, jaka rimis

Solalohu alaihi wassalam

Istan singlar.

( Sumber ti Sesepuh Kp.Babakan Cidugaleun Singaparna )

d.   Singlar ka Leuweung

Aki sungkar-singkir

Nini sungkar-singkir

pangnyingkirkeun

Pangnyingkahkeun

Bilih aya halang harungan

Si utun si unji

Ngaliwat di buana panca tengah.

( Sumber ti Sesepuh Kp.Babakan Cidugaleun Singaparna )

e.    Singlar ka Musuh

Curulung cai ti manggung

Barabat ti awang-awang

Cai tiis tanpa bisi

Mun deuk nyatru ka si itu

Mun deuk hala ka si eta

Anaking palias teuing.

               ( Tina Payungsi Sastra kenging Yus rusyana )

JAMPE

   JAMPE

Jampé teh kaasup puisi mantra keneh. Rumpakana aya nu parondok , aya ogé nu paranjang. Digunakeun rupa-rupa kapentingan. Fungsi utamana nya éta pikeun kasalametan diri ; supaya ulah keuna ku mamala, jeung supaya dipikaasih ku nu lian. Jadi , fungsina beda ti asihan. Ieu conto-contona :

a.    Jampe Nyisiran

Sisir aing

Sisir cungkit

Carentik pabalik-balik

Carentang papulang-pulang

Reup sieup ka awaking.

( Sumber ti Sesepuh Kp.Babakan Cidugaleun Singaparna )

b.   Jampe Mupul Eundan ( Paré )

Sukma anu dikumpulkeun

Puhaci sumulan sri

Puhaci langgeng sorangan

Salalahu alaihi wassalam.

( Tina  Pedaran Mantra jeung Pupujian kenging Ruswendi Permana )

c.    Jampe Budak Labuh

Jampe , jampe harupat ,

Geura gede , geura lumpat,

Coh, coh, torolong.

( Tina  Pedaran Mantra jeung Pupujian kenging Ruswendi Permana )

d.   Jampe Beresin ( Pikeun Budak )

Hurip , waras !

Kirab, sawan !

( Tina  Pedaran Mantra jeung Pupujian kenging Ruswendi Permana )

e.    Jampe Beunghak Beuteung

Cangkakakak di leuwung,

Injuk talina,

Dihakan di beuweung,

Hitut jadina.

( Tina  Pedaran Mantra jeung Pupujian kenging Ruswendi Permana )

f.     Jampe Tutung

Tutung , tutung, ulah kembung,

Nyusup cara kole buruk,

Combrek cara hate kole,

Tiis, tiis, cara birit leuwi,

Tiis digin paripurna,

Tiis tipeuting , waras tibeurang.

( Tina  Pedaran Mantra jeung Pupujian kenging Ruswendi Permana )

g.    Jampe Ngajaga Peurah Oray

Catang malang, catang datang,

Ulah ngait kana Nabi,

Nyangsang kana keresa,

Catang datang, catang malang,

Celepot , les !

Badak tiselap kadupak ku cai guntur,

Leor, leor.

Tiis dingin paripurna,

Waras ku Alloh,

La ilahaillalloh,

Muhammadarrosululloh.

( Tina  Pedaran Mantra jeung Pupujian kenging Ruswendi Permana )

h.   Jampe Kabeureuyan

Catang malang, catang datang,

Ulah ngait kana Nabi,

Nyangsang kana keresa,

Catang datang, catang malang,

Celepot, les !

Budak tiselap kadupak ku cai guntur,

Leor, leor,

Tiis dingin paripurna,

Waras ku Allah,

La ilaha ilalloh,

Muhammadarrosululloh.

( Tina  Pedaran Mantra jeung Pupujian kenging Ruswendi Permana )

i.      Jampe Nyeuri Beuteung

Sajati tali ari-ari,

Peujit beulit, puseur pacangreud,

Dibeungkeut ku tali kincir,

Dikeureut ku hinis putih,

Tiis dingin paripurna,

Hurip ! waras !

Hurip ! waras !

Hurip ku Nabi,

Waras ku Allah.

( Tina  Pedaran Mantra jeung Pupujian kenging Ruswendi Permana )

j.     Jampe Nuus

Banyu kukus , bayu nuus,

Banyu herang ka jayaan,

Jaya cai, jaya aing,

Jaya aing batan cai.

( Tina  Pedaran Mantra jeung Pupujian kenging Ruswendi Permana )

k.   Jampe Dangdan

Jung, angkat Ki Malela,

Seuweu putra anu muru,

Sang déwata ngencar,

Nu lengoh paboro-boro,

Nu hayang paheula-heula,

Nu kurnia sih ka badan isun.

( Tina  Pedaran Mantra jeung Pupujian kenging Ruswendi Permana )

l.      Jampe Diminyak

Minyak aing minyak watu,

Beunang guguru ti ratu,

Seuweu ratu jadi rusuh,

Seuweu menak jadi hayang,

Pada hayang ka awaking,

Awaking ratu asihan.

( Tina  Pedaran Mantra jeung Pupujian kenging Ruswendi Permana )

m. Jampe Leumpang

Jut, bur ! parapat, nyay !

Ley, kolenyay,

Dina hurung, dina layung,

Dika siang, dika anom,

Parapat, bur !

Mangka welas, mangka asih,

Sih, welas ka badan awaking.

( Tina  Pedaran Mantra jeung Pupujian kenging Ruswendi Permana )

n.   Jampe Seuri

Seuri aing seuri Nabi,

Imut aing Sri Sunan Gunungjati,

Polah aing Rasulullah,

La ilaha ilallah

Muhammadarrosullullah.

( Tina  Pedaran Mantra jeung Pupujian kenging Ruswendi Permana )

o.    Jampe Masamoan

Nu ngariung jiga lutung,

Nu ngarendeng jiga monyet,

Nya aing mandahna,

Maung pundung datang turu,

Badak galak datang depa,

Galudra di engah imah,

Kaheureut kasieup ku pohaci awaking.

( Tina  Pedaran Mantra jeung Pupujian kenging Ruswendi Permana)

p.   Jampé Dicoco Kala

          Kalaka kaliki

          Kala lumpat ka sisi cai

Aing nyaho ngaran sia

Ngaran sia kulit cai

Tawa tawe

Ditawa ku sang indung putih

Tiis ti peuting waras ti beurang

Paripurna hirup waras

          ( Tina Payungsi Sastra kenging Yus rusyana )

JANGJAWOKAN

1)        JANGJAWOKAN

Jangjawokan teh nya eta sabangsaning jampe-jampe keneh anu fungsina gen sarua. Jangjawokan ieu dugunakeun pikeun aya salasahiji kahayang urang, anu bener-bener dipikahayang. Anggota masarakat sunda baheula mah loba nu percaya yen aya kahayang bisa kacumponan ku cara maca jangjawokan ieu bari dibarengan ku sarat-sarat nu khusus.Dina jangjawokan ieu si pengguna salaku nu mere parentah bathin, paling henteu salaku pihak nu ngabogaan kahayang atawa hiji hal. Jangjawokan biasana sok dibarengan bari ngalaksanakeun puasa salila saminggu.

a)        Jangjawokan Paranti Aya Kahayang

Kanjeng Nabi Adam

Asih Adam

Idzin Alloh

Kanjeng Nabi Muhammad

Pangdongkapkeun

Lamun teu dongkap

Sapangokos jame

Lain siksa

Lain ganyar

Beuheung gaganti

Yahu Ya Alloh

Yahu Ya Alloh

Yahu Ya Alloh

 ( Sumber ti Sesepuh Kp.Babakan Singaparna)

b)       Jangjawokan Paranti ka Leuweung

Allohuma kama asih

Manusa asih ka Dewa

Dewa asih ka manusa

Bocah kembang kinayungan

Ya Alloh Ya Rosululloh

Laa illahaillalloh

Laa illahaillalloh

Laa illahaillalloh

( Sumber ti Sesepuh Kp.Babakan Singaparna ) 

c)    Jangjawokan Paranti di Pupur

Pupur aing pupur panyambur

Nanyambur panyangking rupa

Nyalin rupa ti Dewata

Nyalin sari Widadari

Nya tarang lancah mentarangan

Nya halis katumbirian

Nya irung kuwung-kuwungan

Dideuleu ti hareup sieup

Disawang ti tukang lenjang

Ditilik ti gigir lengik

Mangka welas mangka asih ka nu dipupur

Ditenjo ku saider kabeh

( Tina  Pedaran Sastra Sunda kenging Tatang Sumarsono ) 

d)   Jangjawokan “Sahadat Banyu”

Ashadu sahadat banyu,

Sarasa tunggal sakersa,

Rasa banyu, rasa kula,

Awor rasaning tunggal.

( Tina  Pedaran Mantra jeung Pupujian kenging Ruswendi Permana) 

e)    Jangjawokan Paranti Turun ti Imah

Allohuma ibu bumi,

Medal tapak tatapakan,

Turun wawayaning Muhammad,

Birohmatika ya arhamarrohimin.

( Tina  Pedaran Mantra jeung Pupujian kenging Ruswendi Permana) 

f)    Jangjawokan Paranti Neundeun Beas

Bismillahirrohmannirrohim,

Nyi Pohaci Sangiang Sri,

Di dieu heula tetep maneuh,

Antara bukti,

Ya, hu, ya allah.

( Tina  Pedaran Mantra jeung Pupujian kenging Ruswendi Permana) 

g)        Jangjawokan Paranti Ngala Lauk / Nguseup

Aki rek-rek turaya

Anak patutan turunkeun

Aing nya pangkanan sia

Bayu mas nu lenggang putih

Bayu mas nu lenggang herang

Bumi meneng bayu meneng

Ku sangkilat ku mancorong

Ratna putih sang ibuh putih

Undur ku sangkilat sakti

Nya isun sang demit jati

( Sumber ti Sesepuh Kp.Babakan Singaparna)

h)   Jangjawokan Paranti Nyiuk Beas

Bur, gayung manala cipta,

Gedong manik wisesa,

Herang nu herang,

Pohaci maya herang,

Nyi Pohaci naga ramana,

Nyi pohaci naga sakti,

Mangka reugreug, mangka pageuh.

( Tina  Pedaran Mantra jeung Pupujian kenging Ruswendi Permana) 

i)     Jangjawokan Paranti Ulah Keueung

Nini guna turut,

Aki guna turut,

Ulah turut ka guna indung,

Ulah turt ka guna bapa,

Nya turut ka guna haji putih,

Nu linggih dina ati,

Istan ! palias ! istan !

( Tina  Pedaran Mantra jeung Pupujian kenging Ruswendi Permana) 

j)     Jangjawokan Paranti Nitipkeun Pakaya

Bismillahirrohmanirrohim,

Sang perepes herang,

Sang perepes lenggang,

Sang anta–anti,

Sri hurip kami raksaeunana,

Kami keur paeh ati,

Kami rawatan heula.

( Tina  Pedaran Mantra jeung Pupujian kenging Ruswendi Permana) 

k)   Jangjawokan Waktu Rek Tandur, Tebar, Ngaseuk.

Asalamu ‘ alaikum warohmatullohi,

Alaikum salam,

Cur, mancur, cahaya terus ning rasa,

Kaula ngahaturkeun sangu putih sapulukangun,

Ka Kanjeng Gusti Yang Agung,

Anaking utun inji,

Ratmanira, ratmaningsun,

Si adi Sang Seda Jati,

Si kakang Sang Seda Rasa,

Malaikat Sang Sekar Rupa,

Pangdongkapkeun seja kaula,

Ka Nyi Pohaci Sangiang Sri,

Sanggeus sakarajagandadi tunggal.  

( Tina  Pedaran Mantra jeung Pupujian kenging Ruswendi Permana)